Duniya

Yeh hai duniya,

Yeh ajeeb duniya,

Hai yeh jaisi bhi,

Hai yeh apni duniya.

Jeevan hai isme,

Aur kahin hai maut,

Aa jaye kahin gham,

Par khushi aa jaati hai laut.

Sach hai isme,

Aur kahin hai jhut ke daag,

Saath mil jaata hai hamesha,

Kyunki duniyadaari ki sada hai ek aag.

Yeh hai duniya,

Yeh ajeeb duniya,

Hai yeh jaisi bhi,

Hai yeh apni duniya.

Andhera hai kahin,

Aur mandrata hai ek kaala saaya,

Par hoti hai subeh hamesha,

Aur dikhta hai ujala chaaya.

Rok hai yahan anek,

Aur hai kayi zanjeer,

Vijay ke liye chaiye shakti,

Aur ek taakat jo sabko rakhde cheer.

Yeh hai duniya,

Yeh ajeeb duniya,

Hai yeh jaisi bhi,

Hai yeh apni duniya.

Hai kayi guthiyan,

Jo samajh nahi ayengi kayi baar,

Par aage badhna chaiye hamesha,

Aur nahi maanni chaiye kabhi haar.

Ekal aur shanti hai kahin,

Aur kahin hai shor bhayanak,

Jarurat se mile zingadi mein yeh,

Aur badle yeh ek dusre mein achanak.

Yeh hai duniya,

Yeh ajeeb duniya,

Hai yeh jaisi bhi,

Hai yeh apni duniya.

Sab chalte hai iske ishaare pe,

Bhale sahi ho ya galat,

Isse koi nahi khareed sakta,

Chahe ho kitni bhi daulat.

Hum hai bande uske,

Bass choti si katputliyan,

Bass karna hai jo voh chaahe,

Kyunki sarvshaktishaali hai yeh duniya.

Yeh hai duniya,

Yeh ajeeb duniya,

Hai yeh jaisi bhi,

Hai yeh apni duniya.