Alvida

Kuch aadatein hai jo jaati nahi,

Kuch pal hai jo vapas aate nahi,

Uss chupi hui hasi ka khilna,

Jaise baarish mein lehrate ful,

Unn samundar ki lehro mein haath dhare chalne,

Aur kandhe pe rakhkar sar unn aasuon ko dabana,

Par bass chuka hai sirf tumhara chehra inn aankhon mein,

Aur voh aakhri shabd jo kaha tumne- alvida.

Kho jaana hai firse mujhe tumhari aankhon ke andheron mein,

Beh jaana hai firse tumhari yaadon ke khazane mein,

Jeena hai firse unn lamho ko,

Jo karib hai dil se, jo paas hai mann ke,

Hai waqt ka dariya samaya hua hatheli mein,

Nahi hai toh sirf ek- tum,

Khoya hun tumhari duniya mein,

Aa jaate voh pal fir se, agar kaha na hota alvida.