Bechaini

Aata hai voh sama,

Har ek ki zindagi mein,

Jab nazar ko roke dhuaan,

Aur saanson ko roke,

Voh chinta, dhundlaaye khushi ko,

Ek nasha jaise chaaye,

Aur voh shaanti goonjein,

Lehraaye voh bechaini hawa mein,

Aur darr chamke jaise bijli,

Dil ke aasmaan mein,

Lage voh sardi badan par,

Aur aaye nahi khayal dimag mein,

Par aaye shabd, aur kavita barse,

Kahe uss pal ki kahani,

Jo jayegi waqt ke saath,

Aur ayega voh firse,

Na jaane kab.