Ae Dost Mere

Ae dost mere,

Kahan chala gaya hai tu,

Chodke mujhe iss bhul bhulaiya mein,

Sath uss akelepan ke.

Dikh rahe hai bahut saare raste,

Par nahi hai pata sahi ka,

Chun na lun mein galat raah,

Uski toh karle vandana tu.

Chal raha hun andhere mein,

Tere khwab dilse liye,

Aur ek ajeeb khwaish le kar,

Ke laut aaye tu, jald se jald.

Ae dost mere,

Kaha chala gaya hai tu,

Chodke mujhe iss tanhayee mein,

Saath uss shanti ke.

Teri awaaz ka ho raha hai aabhaas,

Aur bajj rahi hai tere meethe bol ki dhun,

In kaanon mein halke halke,

Jaise sukhe mein barsaat ki boond.

Picha kar raha hun mein teri khushboo ka,

Taaki dhund lun mein tujhe jald,

Aur mil jaye tera sahara mujhe,

Ek kandha, jispe rakh saku mein sar.

Ae dost mere,

Kahan chala gaya hai tu,

Sunle is dil ki pukaar,

Aur aa jaa sath firse mere.